مش هقولك انتي قلبي و انتي عمري اللي رايح و اللي فات
و انك انتي تبقي عندي حاجة من احلي الحاجات
مش هقول اني بحبك و ان قلبي من بعديكي مات
يمكن انتي بس فكرة ولا حالة من الحالات
انتي سر كبير حصلي
او شعور غريب وصّلي
ولا ذكري حلوة باقية
بيها احب الذكريات
انتي ذكري تايهة مني في الشوارع و الاماكن
ذكري نفسي تبقي حاضر نفسي ابقي فيها ساكن
انتي شيء غيرلي حالي انتي جرح كبير و جالي
انتي نورك بس اقوي من المشاكل و الليالي
انتي شيء مستغربة انتي اكبر من خيالي
قلبي شايفك شيء خيالي ،
ليكي انت الاغاني و المشاعر و السكات
يمكن الكلام ما بينا كان قليل او مفيش
كنت جانبك كنت شايفك تهت لية و معرفتكيش
انتي اقوي من الكآبة انتي احلي من الحشيش
انتي اقوي من الليالي انتي اقوي من الساعات
انتي جوا عقلي دنيا حلوة و احلي سيرة
من زمان حيرتي بالي بس كانت احلي حيرة
انتي حب مجاش في وقتة
حب من النظرة الأخيرة
