رواية في منتهي الجمال صراحة
الابداع يتجلي في نقاط عديدة اهمها دقة اختيار عنواين فصول الرواية كل عنوان بيعبر بشكل دقيق عن محتوي الفصل.
التشبيهات المستخدمة للتعبير عن خيال الكاتب كانت في محلها جدا.
الحاجة التانيه هيا بناء الشخصيات اللي اعتقد انه كان سَلِس ولذيذ ووصلي المعطيات النفسيه بتاعة كل شخصية وكمان الالفاظ المختارة للتعبير عن كل شخصيه مناسبه جدا ليها.
البناء الزمني للرواية كان جميل وتسلسل الاحداث من البداية خالص دخلني جوا الموضوع لدرجة اني خلصت اكتر من نص الروايه في قعدة واحدة بدون اي ملل او مط في الاحداث ف دا شي جميل جدا.
الحوار كان بسيط ومعبر عن ردود الافعال بعيدا عن المقدمات الممله لكل جملة واللي بتخرجني برا الموضوع من امثلة “ثم قال ، وصرخ.. … “
رواية لذيذة جدا والرسالة منها كويسة جدا واعتقد انها اركان اساسية في العلاقات البشرية بشكل عام والعاطفية بشكل خاص.
ف بصراحة شابوه????
