اسمي محمد وهبة, بحب الرسم وفن الكوميكس جدا, وبحب أرسم القاهرة من أعلى الأماكن اللي فيها, بحب أرسم الشوارع والمباني والناس. باستخدم تقنية في الرسم بتحاكي تأثير عين السمكة أو الـ Fish-Eye, المنظور ده بيتيحلي رؤية أوسع تقدر تشمل تفاصيل كتير وتقدر تستوعب زحمة القاهرة وشوارعها ومبانيها, واللي بحاول أنقله بخطوط القلم على كراسة الرسم وأوصلهالكم بطريقة مختلفة, هتخليكم تشوفوا القاهرة بعين جديدة. أتمنى الكتاب يعجبكم.

سيوة.. إنفجار من الأخضر وسط بحر من الأصفر.. بيقولوا زمان كانت فعلا غرقانة في بحر أزرق أو بحيرات.. وهربت المياه وبقت بتجري دلوقتي في بطن الأرض.. في عروقها.. وتروى المياه أرض حضارة عريقة على الأقل بقدم الفراعنة.. حضارة ودولة أمازيغية.. كلمة الأمازيغ تعني الرجل الحر والمرأة الحرة.. الأسرة الكريمة.. عرق أصيل في شخصية مصر.