سهيل سلامه: معماري مصري ليس لديه أي كتابات أدبية او اي انجازات سابقة، ليذكرها هنا، لكنه يكره الهندسة قد ما بيعشق التمثيل وقد ما بيحارب عشان يكون ممثل، بيحترم العمارة جدا قد ما بيكره اللامبالاة اللي بتميز الكثيرين من حوله، متزوج و يعول طفلين و جوزين عصافير أسترالي، بيحب منير و احمد زكي، كان بيموت في تراب مصر و مازال و سيظل، يؤمن بان الفنون بأنواعها هي الطريق الاهم و الاقصر و الاضمن لتوثيق تحضر الامم و مدى تأثيرها في اللي حواليها، للأسف امتع شيء في حياته ( التمثيل ) ماهواش أهم شيء فيها ( الهندسة ) لأنها أكل عيشه ، صاحب نظرة حياتيه سوداء مالهاش زي، لكنه بيحب يعيش الحياة جدا، بيحب اصحابه و الشتاء و الناس و اسكندرية و مش عميق
"على حرف الدنيا" رواية اجتماعية انسانية تدور احداثها بين مجموعة من الشخصيات موجودين حوالينا و بنقابلهم كل يوم في حياتنا بتتشابك العلاقات بينهم في احداث متصاعدة عشان تعرفنا ان الحياة مش بتدي حد حاجه بدون تمن…و ان كل حد بياخد حاجه لازم يدفع فاتورتها حتى لو قرر ما يعيشهاش و ما يعيشش تفاصيلها و صراعاتها المجهدة برضه الدنيا هتدفعه تمن
