ديوان القافية حكمت للدكتور سامح جلال

لقيت عندي تحويشة صغيرة على قدي من كلام كنت باكتبه بسبب مناسبة معينة أو موقف معين وأحيانا كان بييجي على بالي من غير مناسبة .. بس الحاجة الوحيدة اللي تجمع بين كل الكلام ده هي إني كنت بابقى حاسس بحاجة و نفسي أكتبها ومش عارف أمسك نفسي إني أقعد أكتبها بالطريقة دي مهما كنت مشغول بحاجة تانية .. حاجة من جوايا كانت بتجبرني أسيب اللي بأعمله و أكتب اللي أنا حاسس به .. كنت باكتب اللي أنا حاسس به بجد بصرف النظر هو صح و لا غلط أو ينفع أقوله و لا ما ينفعش ... بالبلدي كده كنت باكتب اللي أنا عايز أكتبه من غير حسابات ... ساعتها بس كنت بأحس فعلا إن القافية حكمت ..