عارٍ أنا
العري ليس عري الجسد بل عري الفكر و النفس
الإنسان ده كائن ضعيف؛ ملذات،ضعف ، تجارب، طبع ياخده ويوديه، بس السؤال مين اللي سايق؟ قلبك، دماغك، الناس، القدر؟
ليه كل مرة بتوصل لنفس الحيطة السد؟ وارجع وافتكر أن رزقك وبابك ما حدش معاه مفتاحه غيرك، وإن يوم ما الدنيا تقرر تأجر لك بيت فيها لازم تبقى مستعد لاكتشاف نفسك في الوحشة قبل الحلوة.
اوعى تتمنى أكتر من أنك ضيف، واوعى تزعل على حاجات فانية؛ لأن في الآخر مهما حلمت وخططت المكتوب مكتوب يا صديقي لا مفر منه.
قبل ما تهتم باكتشاف الناس وتعوز تقرب منهم قرب من نفسك واكتشفها، ولا فاكر أنك هتزهق منها، وحياتك ما تقدر دي مليانة حواديت جوا حدوتة واحدة، ولما تيجي تحكم على نفسك احكم كطبيب بيداوي، مش كناقد كل همه يطلع عيوب في نفسه.
رحلة كل واحد فينا مختلفة، بس الأكيد أن في حاجات بينَّا مشتركة ومتشابهة حتى لو مش واخدين بالنا، برغم الفروقات ما زالت المشاعر اللي في قلبنا وبنشعر بيها متقربة، وجدًا كمان.
